Laugardaginn 9.mars 2024 bauð forseti Íslands, herra Guðni Th.
Jóhannesson,okkur í stjórn Íslands fyrir Alþjóðlega geðheilbrigðisdaginn
10.október (ár hvert) í heimsókn á Bessastaði. Mætt voru: Orri
Hilmarsson formaður stjórnar, Ögmundur Kisi Haraldsson, Guðrún Stella
Ágústsdóttir og Pálína Björnsdóttir meðstjórnendur. Spjallað var um
daginn og veginn, einnig hrósaði forsetinn okkur fyrir starf okkar og
óskaði deginum velfarnaðar. Drukkið var síðdegiskaffi með kleinum. Að
lokum fékk stjórnin einkaleiðsögn með forsetanum um hluta Bessastaða.
Við þökkum fyrir ánægjulega stund og fróðlega skoðunarferð. Fráfarandi
forseta Íslands, herra Guðna Th. Jóhannessyni, óskum við gæfu í leik og
starfi í framtíðinni ásamt frú Elísu Reid.
